Қосымша азықтандыру
Қосымша азықтандыру - бұл аңшылық алқаптардың азықтың жағдайын жақсартуға бағытталған жұмыстар. Қосымша азықтандыру жұмысын жыл бойы жүргізу қажет, әсіресе қыс мезгілі кезінде. Себебі, қыста жабайы жануарларға қиын азықтық жағдайлар болады.
Жыл сайын ұлттық парк аумағында жануарларды қорғау шараларына барынша назар аударылып, жануарлардың санын арттыруға мемлекеттік инспекторлар үлестерін қосып келеді. Суық, әрі ұзақ қыс айларында қар қалын түскенде жабайы аңдар шоғырланатын жерлерге жиналған шөптерді,тұздарын салып отырады.
Аталған жұмыстар Қарқаралы МҰТП аумағының барлық орманшылығында (4 орманшылық бойынша) жүргізіледі.Дайындалған шөптер жабайы жануарлардың қыстан қысылмай шығуына үлкен ықпал етеді. Биотехникалық іс-шараларды жүргізуге мекеме бойынша арнайы жоспар жасалынып, жабайы жануарларға күтім жұмыстары тұрақты жүргізіледі.
Тау орманшылығының мемлекеттік инспекторлары “Шоқпартас” кардонының айналымында жабайы жануарларды қосымша азықтандыру жұмыстарын жүргізді! Мемлекеттік инспекторлар: Жауетов Р., Сабекова Ж
